|
|
د افغانستان د اساسي قانون غونډه وځنډول شوه
د افغانستان ولسمشر حامد کرزي يو فرمان لاسليک کړى چې په ترڅ کې به يې د اساسي قانون د تصويب په هکله د لويې جرگې رابلل دوه مياشتې وځنډيږي. ښاغلي کرزي له هغې وروسته دا فرمان صادر کړ چې د اساسي قانون د مسودې د جوړولو کمېسيون د لويې جرگې د رابللو له پاره د لازيات وخت غوښتنه وکړه. لويه جرگه به اوس د اکتوبر د مياشتې پر ځاى په ډسمبر کې را وبلل شي. خبريالان وايي دا په ډاگه نه ده چې دغه ځنډونه به د راتلونکي کال د جون د مياشتې د عمومي انتخاباتو په پلان اغيز وکړي اوکه نه.
|
|
|
